Cysylltu yw prosiect lles sefydliad cyfan newydd a ariennir, gyda’r nod o leihau unigrwydd ac arwahanrwydd ymhlith myfyrwyr. Mae tystiolaeth gref sy’n awgrymu bod myfyrwyr yn dod yn fwyfwy ynysig ac, os eir i’r afael â hyn yn gynnar, gellir lleihau’r risg o broblemau seicolegol neu gymdeithasol pellach.

Ein gweledigaeth ni yw y bydd pob myfyriwr wedi’i gysylltu, ac yn teimlo hynny hefyd.

Nod Cysylltu yw meithrin cymunedau sefydliadol cefnogol drwy weithio gyda staff a myfyrwyr i osod seiliau ymddygiad cadarnhaol ac iach gydol oes.

Byddwn yn hyfforddi ac yn arfogi Cysylltwyr gyda’r sgiliau i gysylltu â myfyrwyr sydd mewn perygl o arwahanrwydd cymdeithasol, sy’n unig neu y mae angen help arnynt wrth ddatblygu sgiliau integreiddio cymdeithasol a’u cefnogi.

Mae Prosiect Cysylltu wedi’i ariannu gan CCAUC (Cyngor Cyllido Addysg Uwch Cymru).

Mae’r prosiect yn bartneriaeth rhwng: Prifysgol Abertawe, Undeb Myfyrwyr Prifysgol Abertawe, Prifysgol Cymru y Drindod Dewi Sant, Undeb Myfyrwyr y Drindod Dewi Sant, Coleg Gŵyr, Coleg Castell-nedd Port Talbot, Coleg Sir Gâr , Choleg Ceredigion a Coleg Sir Penfro.

Cymorth gan gymheiriaid yw pan fydd pobl gyda phrofiadau a rennir neu gyffredin yn cefnogi ei gilydd (neu mae un yn cefnogi'r llall). Gallai profiad a rennir olygu astudio’r un cwrs neu fwynhau’r un chwaraeon. Efallai y bydd y ddau ohonoch yn hunaniaethu fel LGBTQ+ neu’n rhannu’r un cefndir diwylliannol. Neu efallai y bydd y ddau ohonoch yn profi/wedi profi hiraeth am gartref neu wedi cael diagnosis o broblem iechyd corfforol neu feddwl.

Mae cymorth gan gymheiriaid wedi bod yn llwyddiannus wrth wella lles i lawer o bobl. Gall roi cyfle i bobl rannu eu teimladau gyda rhywun sy’n deall eich helpu i deimlo’n fwy gobeithiol am y dyfodol a theimlo’n llai unig.