Gweithdai Hyfforddi

Wedi’i achredu gan MHFA Cymru, mae’r cwrs Cymorth Cyntaf Iechyd Meddwl i Bobl Ifanc yn addysgu oedolion sydd mewn cysylltiad rheolaidd â phobl ifanc sut i roi cymorth i unigolion sy’n datblygu problem iechyd meddwl, sy’n profi problem iechyd meddwl sy’n gwaethygu neu sydd mewn argyfwng iechyd meddwl.

Mae rhagor o wybodaeth am y cwrs yma. Cynhelir y cyrsiau ar-lein ar hyn o bryd ac mae angen i staff gwblhau chwe modiwl ar-lein a dau weminar byw dan arweiniad hyfforddwyr.

Sylwer, mae’r cwrs hwn ar gael i staff sy’n gweithio gyda myfyrwyr yn unig a rhaid iddynt fod yn fodlon dod yn ‘Gysylltwyr Staff’. Os oes gennych chi ddiddordeb yn hyn, darllenwch ddisgrifiad rôl y Cysylltydd Staff a chwblhau mynegiad o ddiddordeb. Gofynnir i chi nodi’r dyddiadau sy’n well gennych chi o’r dyddiadau isod.

Gweithdy pedair awr yw LivingWorks safeTALK sy’n cynnwys cyflwyniadau pwerus, adnoddau clyweledol ac ymarfer sgiliau.

Mewn gweithdy safeTALK, byddwch yn dysgu sut i atal hunan-laddiad dwy adnabod arwyddion, ennyn ymddiriedaeth person a’i gysylltu ag adnodd ymyrryd ar gyfer cymorth pellach.

Bydd hyfforddwr medrus, cefnogol yn eich tywys drwy’r cwrs, a bydd adnodd cymunedol wrth law i gefnogi eich diogelwch a’ch cysur.

Rydym yn gwybod bod y rhan fwyaf o fyfyrwyr yn siarad â'u ffrindiau pan fyddan nhw’n mynd drwy gyfnod anodd.

Gallwn siarad yn gyfrinachol â'n ffrindiau ac maen nhw'n ein helpu i beidio â phoeni'n ormodol am heriau. Er bod y brifysgol yn gallu bod yn wych, y gwir yw bod rhwystrau'n gallu codi o hyd ac yn y sefyllfaoedd hyn mae gwir angen ein ffrindiau arnom ni. Gall cyfeillgarwch chwarae rôl allweddol wrth helpu rhywun i fyw gydag anawsterau sy’n codi neu i’w goresgyn. Ond gall fod yn anodd gwybod beth i'w ddweud pan fydd ffrind yn wynebu anawsterau.

Bydd y gweithdy am ddim hwn gan Student Minds yn rhoi cyngor ac arfau angenrheidiol i fyfyrwyr ym Mhrifysgol Abertawe ac Prifysgol Cymru y Drindod Dewi Sant er mwyn iddynt allu cefnogi ffrind mewn angen.